Servizos administrativos

Name: Estudios San Martín Cooperativa, S.C.G.
Telephone: 988 221 990

Formación Profesional: Básica.
Duración: 2000 horas.
Réximen: Diurno.
Cursos: 2

Requisitos de acceso

O acceso aos ciclos de Formación Profesional Básica requirirá o cumprimento simultáneo das seguintes condicións:

Ter cumpridos quince anos, ou cumprilos durante o ano natural en curso, e non superar os dezasete anos de idade no momento do acceso ou durante o ano natural en curso.
Cursar o primeiro ciclo de Educación Secundaria Obrigatoria ou, excepcionalmente, cursar o segundo curso da Educación Secundaria Obrigatoria.
Propoñer o equipo docente aos pais, nais ou titores legais a incorporación do alumno ou alumna a un ciclo de Formación Profesional Básica.

Que vou aprender e facer?

Preparar equipos e aplicacións informáticas para levar a cabo a gravación, tratamento e impresión de datos e textos, asegurando o seu funcionamento.
Elaborar documentos, utilizando a linguaxe científica e os recursos gráficos e expositivos en función dos contextos de aplicación, asegurando a súa confidencialidade, e utilizando aplicacións informáticas.
Realizar tarefas básicas de almacenamento e arquivo de información e documentación, tanto en soporte dixital como convencional, de acordo cos protocolos establecidos.
Realizar labores de reprografía e encadernado básico de documentos de acordo aos criterios de calidade establecidos.
Tramitar correspondencia e paquetería, interna ou externa, utilizando os medios e criterios establecidos.
Realizar operacións básicas de tesourería, utilizando os documentos adecuados en cada caso.
Realizar as tarefas básicas de mantemento do almacén de material de oficina, preparando os pedidos que aseguren un nivel de existencias mínimo.
Atender ao cliente, utilizando as normas de cortesía e demostrando interese e preocupación por resolver satisfactoriamente as súas necesidades.
Aplicar os procedementos de seguridade establecidos no desenvolvemento das súas actividades profesionais evitando danos nas persoas e instalacións.
Realizar as tarefas da súa responsabilidade tanto individualmente como en equipo, con autonomía e iniciativa, adaptándose ás situacións producidas por cambios tecnolóxicos ou organizativos.
Adquirir hábitos de responsabilidade e autonomía baseados na práctica de valores, favorecendo as relacións interpersoais e profesionais, traballando en equipo e xerando un ambiente favorable de convivencia que permita integrarse nos distintos ámbitos da sociedade.
Desenvolver hábitos e valores acordes coa conservación e sustentabilidade do patrimonio natural, analizando a interacción entre as sociedades humanas e o medio natural e valorando as consecuencias que se derivan da acción humana sobre o medio.
Valorar as diferentes manifestacións artísticas e culturais de forma fundamentada utilizándoas como fonte de enriquecemento persoal e social e desenvolvendo actitudes estéticas e sensibles cara á diversidade cultural e o patrimonio artístico.
Comunicarse en diferentes situacións laborais ou sociais utilizando recursos lingüísticos con precisión e claridade, tendo en conta o contexto e utilizando formas orais e escritas básicas tanto da propia lingua como dalgunha lingua estranxeira.
Resolver problemas predicibles relacionados coa súa contorna social e produtiva utilizando os elementos proporcionados polas ciencias aplicadas e sociais e respectando a diversidade de opinións como fonte de enriquecemento na toma de decisións.
Exercer de maneira activa e responsable os dereitos e deberes derivados tanto da súa actividade profesional como da súa condición de cidadán.

Plan de formación

Tratamento informático de datos.
Aplicacións básicas de ofimática.
Técnicas administrativas básicas.
Arquivo e comunicación.
Atención ao cliente.
Preparación de pedidos e venda de produtos.
Ciencias aplicadas I.
Ciencias aplicadas II.
Comunicación e sociedade I.
Comunicación e sociedade II.
Formación en centros de traballo.

Ao finalizar os meus estudos, Que podo facer?

Auxiliar de oficina.
Auxiliar de servizos xerais.
Auxiliar de arquivo.
Ordenanza.
Auxiliar de información.
Operador documental.
Telefonista en servizos centrais de información.
Clasificador e/ou repartidor de correspondencia.
Gravador / verificador de datos.
Auxiliar de dixitalización.
Auxiliar de venda.
Auxiliar de dependente de comercio.
Operador/a de cobro ou Caixeiro/a.

CURSOS

Primeiro curso

Código	Módulos profesionais	Horas
MP3001	Tratamento Informático de Datos	204
MP3003	Técnicas Administrativas Básicas	179
MP3004	Arquivamento e comunicación	146
MP3009	Ciencias Aplicadas I	175
MP3011	Comunicación e Sociedade I	206

SEGUNDO CURSO

Código	Módulos profesionais	Horas
MP3010	Ciencias Aplicadas II	162
MP3012	Comunicación e Sociedade II	135
MP3002	Aplicacións básicas de ofimática	240
MP3005	Atención á clientela	58
MP3006	Preparación de pedidos e venda de produtos	113
MP3008	FCT (Formación en centros de traballo)	320

Seguir estudando:

Un ciclo formativo de grao medio (éste título terá preferencia para a admisión a todos os títulos de grao medio das familias profesionais de Administración e Xestión, Comercio e Márketing, Téxtil, Confección e Pel, Vidro e cerámica e Artes Gráficas).